حسین میرا حسین تیرا حسین سب کا
 
مرثیۂ نو
(۱)
 صفدر ہمٰدانی 
اک  عجب  صورت  حالات  مرے  چاروں  iiطرف      دن  میں  بھی  جیسے  سیاہ رات مرے چاروں iiطرف
بے  کفن  لاشوں  کی  سوغات  مرے چاروں iiطرف      خون  میں  غلطاں  ہیں  آیات  مرے چاروں iiطرف
اس  برس  کیا  ہے  کہ  موضوعِ  سخن  ملتا  iiنہیں      فکر   کی   شاخ  پہ  کیوں  پھول  کوئی  کھلتا  iiنہیں
**
جسم   زخموں   سے   مرا   چور  ہے  کیسے  لکھوں      جب   قلم   لکھنے   سے  معذور  ہے  کیسے  iiلکھوں
دل   مدینے   سے   بہت  دور  ہے  کیسے  iiلکھوں      ظُلم    یہ    وعدۂ    جمہور    ہے   کیسے   iiلکھوں
کوئی    بتلاؤ   ہوا   عا   لم   ِ   اسلام   کو   iiکیا      پڑھ  نہیں  سکتے  ہیں  ہم  اپنے  ہی  انجام  کو کیا
**
وقت   کے   چہرے   پہ  لکھی  ہے  عجب  iiمایوسی      اب   دعاؤں   میں   لگے   کرنے   طلب   iiمایوسی
زخم    ہی    زخم    عجم    سارا   عرب   iiمایوسی      مرگِ    ملت    کا    فقط   ایک   سبب   iiمایوسی
فخر   صدیوں   کا   مرا   پنجۂ   طاغوت  میں  iiہے      روحِ    افکار    مقید    مری   تابوت   میں   ہے
**
مصلحت  کیا  ہے  جو  اس ظلم پہ خاموش ہیں iiسب      موت کے پنجے میں ہیں اس لیئے بے ہوش ہیں سب
خون  پیتے  ہیں  یہ  کہنے  کو تو مے نوش ہیں iiسب      حکمراں   نشۂ  طاقت  میں  یوں  مدہوش  ہیں  iiسب
پیاس   بجھ   جائے   یہی   تیغِ   عدو   چاہتی  ہے      یہ    زمیں    اور   بھلا   کتنا   لہو   چاہتی   iiہے
**
نصرتِ    حق   ہو   کہاں   جذبۂ   نصرت   iiناپید      جبر    کے    سامنے    انکار    کی   جرات   iiناپید
ذکر   مظلوم   کا   اور   ظلم   سے   نفرت  iiناپید      حد    تو    یہ    آلِ   محمد   سے   محبت   iiناپید
نامِ   جمہور   پہ   تخریب   کا   سامان   ہے  iiآج      شہر   تو   جل   گئے  روشن  مگر  ایوان  ہے  iiآج
**
جس   طرف   دیکھئے  دہشت  کی  فضا  چھائی  iiہوئی      جسم   ساکت   ہوا   اور   آنکھ  ہے  پتھرائی  iiہوئی
اب   نہ  احساس  یہ  باقی  ہے  کہ  رسوائی  iiہوئی      روشنی   اپنے  ہی  سائے  سے  ہے  گھبرائی  iiہوئی
ایسے    حالات   یزیدوں   کو   جنم   دیتے   iiہیں      با   ضمیروں   کو   مورخ   کا   قلم   دیتے   ہیں
**
اسی   خاموشی   سے   ہاں   ظلم   جنم   لیتا  iiہے      حد   سے   بڑھ  جائے  تو  انگڑائی  قلم  لیتا  iiہے
اور    قلم   سورۂ   رحماں   کی   قسم   لیتا   iiہے      فاتحِ   صبر   پھر   ہاتھوں   میں   علم   لیتا   iiہے
اب   پسینوں   سے  گلابوں  کی  مہک  اٹھتی  iiہے      سچ   تو  یہ  ہے  کہ  شبِ  تار  چمک  اٹھتی  iiہے
**
اس   شبِ   تار   میں   تطہیر   کا   شعلہ  iiروشن      فکر    روشن   ہوئی   آنکھیں   مرا   چہرہ   iiروشن
صاف   آنکھوں   میں  نظر  آتا  ہے  جذبہ  iiروشن      اہلِ   حق   کے   لیئے   ہر   ایک   اشارہ  iiروشن
اس  شبِ  تار  میں  روشن ہوئے ہجرت کے iiچراغ      خون  سے  دل  کے  جلائے  ہیں  محبت کے iiچراغ
**
وہ   محبت   جو   ہواؤں   میں   جلاتی  ہے  iiچراغ      وہ    محبت   جو   لگاتی   ہے   محبت   کا   iiسراغ
ماتمی  سینوں  پہ  روشن  جوں مودت کے ہوں iiداغ      وہ   دلِ   عاشق   ِ  شبیر  میں  خوشبوؤں  کا  iiباغ
کربلا    میں   یہ   محبت   جو   بکھر   جاتی   iiہے      پھر   محبت   کی   بھی   معراج   نظر   آتی  iiہے
**
ہو   محبت   تو   لگیں   سنگ  بھی  الماس  و  iiگہر      مثلِ     ماہتاب     چمکنے    لگیں    رُخسارِ    سحر
منقبت شان میں شان میں حیدر کی پڑھیں شمس و iiقمر      اور    قلم   عجز   سے   آغاز   کرے   اپنا   iiسفر
یہ  وہ  آیت  ہے  جو  ہر  وقت  کا  سلطان iiپڑھے      یہ   محبت  ہے  جو  نیزے  پہ  بھی  قرآن  iiپڑھے
**
وہ   محبت   کہ   جسے  صبر  کی  کہہ  لیجے  iiاساس      وہ  محبت  کہ  بجھے  جس  کی فقط نیزے سے iiپیاس
وہ   محبت   کی   جو  پہنے  ہے  شہادت  کا  iiلباس      وہ   محبت   کہ   حقیقت   میں   جو  قرآن  iiشناس
اس   محبت   میں   فنا   ہو   جو   وہ  جلوہ  دیکھے      کربلا     والی     حقیقت     کو    سراپا    iiدیکھے
**
فلسفی    جذبِ    محبت    کو    قضا   کہتے   iiہیں      صوفیا   اس   کو   حدِ   ارض   و   سما  کہتے  iiہیں
عشق   والے   اسے   جینے   کی   سزا   کہتے  ہیں      ہم    علی   والے   محبت   کو   خدا   کہتے   iiہیں
حُر  کے  دل  میں  جو  اتر  جائے  تو  ایمان  iiبنے      آ   کے   شبیر   کے  ہونٹوں  پہ  یہ  قرآن  iiبنے
**
یہ   محبت   ہے   جو   ہر   ناز  و  ادا  پر  بھاری      نطقِ   داؤد   پہ   موسیٰ   کے   عصا   پر  iiبھاری
تاجِ    شاہی   پہ   فقیہوں   کی   قبا   پر   بھاری      ہاں   غلط  یہ  بھی  نہیں  ارض  و  سما  پر  iiبھاری
معتبر   حشر   کے   دن   ہو  گی  گواہی  اس  iiکی      صبح   کے   ماتھے   پہ   اک  نور  سیاہی  اس  iiکی
**
غالب   و   مومن   و   شبلی   و  انیس  و  iiرومی      خسرو   و   حافظ   و   خیام   و   دبیر   و  سعدی
جوش   و   فردوسی   و   عطار   و   جنید  و  iiکلبی      کُشتہ   و   ذوق   و   مسیحا   و   رئیس   و  iiمصحفی
یہ   وہ   ہیں   جنہوں   نے  ہر  لفظ  محبت  iiلکھا      اور   محبت   کو   ہی   ا   لفاظ   کی  طاقت  iiلکھا
**
اس   محبت   کو   فرشتے  بھی  پڑھیں  مثلِ  درود      یہ   محبت  ہے  وہ  در  جس  پہ  مَلَک  سر  iiبسجود
اس    محبت    کا   یہ   اعجاز   کہ   شاہد   مشہود      اس   محبت   کا   تقاضہ   ہے   کہ   پابندِ  iiحدود
اس   محبت   نے   شہادت   کا   جو   اعلان   iiکیا      سچ   تو   یہ   عرش   پہ   اللہ   کو   حیران  iiکیا
**
اس   محبت   کا   ہے   اعجاز   اطاعت  کے  iiچراغ      کربلا   میں  ہوئے  روشن  جو  شہادت  کے  iiچراغ
خون   سے   اپنے  جلائے  ہیں  محبت  کے  iiچراغ      ظلم  در  پہ  تھا  بجھا  دے  وہ  شریعت  کے چراغ
اک   بڑا   حملہ   محبت   پہ   جو   اغیار  کا  iiتھا      سب   کا   سب  معرکہ  قرآن  سے  انکار  کا  iiتھا
**
کربلا     والے     محبت     کو    بچانے    iiنکلے      ایک     شبیر     نہیں     ساتھ    زمانے    iiنکلے
نصرتِ   حق   کے  دیئے  خوں  سے  جلانے  نکلے      نوکِ    نیزہ    پہ    وہ    قرآن    سنانے   iiنکلے
جبر   کا   معرکہ  تھا  صبر  کے  معیار  کے  iiساتھ      جنگ   تھی  آلِ  محمد  کے  یہ  کردار  کے  iiساتھ
**
کربلا   جنگ  تھی  طاغوت  و  جہالت  کے  iiخلاف      بے   عمل  ظالم  و  جابر  کی  قیادت  کے  iiخلاف
تھا  حکومت  کا  ہر  اک  کام  شریعت  کے  خلاف      ایسے  حالات  تھے  سب  دیں سے محبت کے iiخلاف
دیں   کی   نصرت  کو  جو  اللہ  کے  بندے  iiنکلے      باندھ   کر   سر   پہ  کفن  دشت  میں  بچے  iiنکلے
**
فاطمہ   زہرا   کے   لو   گود   کے   پالے   iiنکلے      یوں    لگا    جیسے    محبت    کے    صحیفے   iiنکلے
ساتھ   بچوں   کے   جواں  نکلے  تو  بوڑھے  iiنکلے      جس   طرح   تیغِ   برہنہ   سے  ہوں  شعلے  iiنکلے
آنکھ   میں   اب   جو   ذرا   ذوقِ  ہنر  آ  iiجائے      کربلا    سامنے    آنکھوں   کے   نظر   آ   iiجائے
**
کربلا      مہرِ      محبت      ترا      ذرہ     ذرہ      تشنگی   اب   بھی   بھٹکتی  ہے  یہاں  پر  ہر  iiجا
چاند    زہرا    کا   تری   خاک   پہ   پیاسا   iiتڑپا      کربلا   اب   بھی   ترے   ساتھ  ہے  تشنہ  iiدریا
آج   بھی  کرب  و  بلا  ظلم  کی  مرقد  کا  iiنشاں      خاکِ   اکسیر   ہے   یہ  صبر  کی  سرحد  کا  نشاں
**
ہاں   وہ   اصغر   کہ   تھا   ہتھیار  تبسم  جس  iiکا      طاقتِ   جور   و   ستم   سے  تھا  تصادم  جس  iiکا
اک   بڑا   حملہ   تھا   خاموش   تکلم   جس   iiکا      آج  بھی  جن  و  ملک  کرتے  ہیں  ماتم  جس iiکا
اُسی    اصغر   کے   تبسم   نے   بقا   پائی   iiہے      کیسی   چھ   ماہ   کے   بچے   نے   ادا  پائی  iiہے
**
دشتِ   غربت   میں   فلک  نے  یہ  تماشہ  iiدیکھا      سامنے   پیاسوں   کے   طاقت   کا  وہ  دریا  iiدیکھا
دم   گھُٹا   وقت   کا   اور  نبض  کو  ٹھہرا  دیکھا      یہ   بہتر  تھے  وہاں  فوجوں  کو  صف  آرا  iiدیکھا
طے    یونہی   مرحلۂ   تیغ   و   گلو   ہونے   iiلگا      عصر  کا  وقت  تھا  اور  خوں  سے  وضو ہونے iiلگا
**
وہ   جو   ہم   شکلِ   پیمبر   تھا  تمدن  کا  iiشباب      حُسنِ   اکبر   کے   بیاں   پر   ہو  تصدق  iiمہتاب
ہاں  حصار  اسکا  کیئے  رہتی  تھی  خوشبوئے  iiگلاب      فرش   پر  عرش  سے  اُتری  وہ  محبت  کی  iiکتاب
جس    نے    دریائے   تکلم   کو   روانی   iiبخشی      جس   نے   تا   حشر   اذانوں   کو   جوانی  iiبخشی
**
صبحِ    عاشور   میں   اکبر   کی   اذان   کی   iiآواز      نکتۂ     جنگ    کا    ٹھہرا    یہی    لمحہ    iiآغاز
تیر   چلنے   لگے   دشمن   کے   کھُلا  جبر  کا  راز      جان   دینے   کو   تھے   آمادہ   یہاں   اہلِ  iiنماز
وہ    گھڑی   آلِ   محمد   پہ   بہت   سخت   iiہوئی      اک   سنان   سینۂ   اکبر   میں   جو  پیوست  iiہوئی
**
بعدِ   اکبر   علی   اصغر   کا  یزیدوں  سے  iiخطاب      شیر  خواری  میں  بھی  بچے  نے  دکھایا  وہ  iiشباب
تیرِ   حُرمل  کا  دیا  خشک  گلے  سے  یوں  iiجواب      کھِل  گئے  ہونٹوں  پہ  اصغر  کے  لہو  رنگ گلاب
خون   حُرمل   نے   بظاہر   علی   اصغر   کو   iiکیا      سچ    کہوں    قتل    مگر   فکرِ   پیمبر   کو   iiکیا
**
خونِ   بے   شیر   ملا   شہ   نے   رُخِ  انور  iiپر      ہر   طرف   نوحہ  کُناں  سینہ  زناں  جن  و  بشر
لاش   ہاتھوں   پہ   تھی  معصوم  کی  حیران  iiپدر      آ   کے   خیمے   میں   کہا   مادرِ  اصغر  ہو  iiکدھر
علی   اصغر   تمہیں   ملنے   کے   لیئے   آیا  iiہے      خونِ   ناحق   نے   ترے   بچے   کو   مہکایا  ہے
**
عصر   کے   وقت   میں  اب  ہو  گئے  تنہا  iiشبیر      تشنگی   ہونٹوں   پہ   اور   صبر   کا   دریا   iiشبیر
سامنے   لشکرِ   بے   دیں   کے   صف  آرا  شبیر      اسکے  سانسوں  کی  ابھی  تک  ہے  ہوا  میں  iiتاثیر
رُخ   پہ   شبیر  کے  جس  پیاس  سی  لہراتی  ہے      شرم   سی   کوثر   و   تسنیم   کو   آ  جاتی  iiہے
**
عصر  کے  وقت  میں  ہے  سوئے فلک شہ کی iiنظر      اب   نہ   عباس  نہ  اکبر  ہیں  نہ  اصغر  سا  iiپسر
دن   ڈھلا   پھیل   گئی  دشتِ  ستم  میں  یہ  iiخبر      لُٹ   گئے   آلِ   نبی   ختم   محمد   کا   ہے  iiگھر
ارضِ   کربل   جوں   سمندر   کا  بھنور  لگنے  iiلگی      عصر    عاشور    قیامت    کی    سحر    لگنے   iiلگی
**
عرش   پہ   جن   و   ملک   نے   کہا   انا  اللہ      تشنہ    لب    مارا    گیا   فاطمہ   کا   نورِ   iiنگاہ
خون   سے   سرخ   زمیں   ہو   گئی   تاریخ  iiسیاہ      نوکِ    نیزہ   کی   بلندی   پہ   محبت   کا   iiگواہ
سر   کو   معراج   تلاوت   کو  صدا  حاصل  iiہے      خونِ   ناحق   سے   محبت   کو   بقا  حاصل  iiہے
**
تھی  زمیں  لرزے  میں  اور  اہلِ  فلک  نوحہ کُناں      وہ   قیامت   تھی   کہ   ہو   روزِ  قیامت  iiحیراں
دشتِ  پُر  ہول  میں  جاری  تھا  غضب  کا iiطوفاں      رُک   گیا   سانس   مشیت   کا   جو  بکھرا  iiقرآں
سر   قلم   ہو   گئے   پر   آلِ   نبی   جیت  iiگئی      جبر   کی   موت   ہوئی   تشنہ   لبی   جیت   iiگئی
**
خونِ   شبیر  کی  سورج  میں  چمک  آج  بھی  iiہے      ہر  سو  پھیلی  وہ  محبت  کی  دھنک  آج  بھی iiہے
خونِ  اصغر  کی  ہر  اک گُل میں مہک آج بھی iiہے      کربلا   قصر   سلاطیں  میں  دھمک  آج  بھی  iiہے
معنیِ   قلت   و   کثرت   کو   بدل   دیتی   ہے      کربلا   تخت   کو   پاؤں   میں   مسل  دیتی  iiہے
**
اب   قلم   روک   لو  صفدر  کہ  ہوا  وقتِ  سحر      خالقِ   کون   و  مکاں  سے  یہ  کہو  رو  رو  iiکر
نفرتیں   ختم   ہوں   مولا   یہ   محبت   ہو   iiاَمَر      دیں   حسین   ابنِ   علی   مرثیہ   لکھنے   کا  iiثمر
ہو   جو   توفیق   تو   مظلوم   کو   طاقت  iiلکھوں      اس   قلم   سے   میں   سدا   لفظِ  محبت  iiلکھوں
٭٭٭