حسین میرا حسین تیرا حسین سب کا
 
حسین میرا حسین تیرا حسین سب کا
(۵)
 صفدر ہمٰدانی 
وہ  جس  نے  عزت کتاب کی اور قلم کی رکھی حسین وہ iiہے
وہ  جس  نے دشتِ بلا میں حُرمت عَلَم کی رکھی حسین وہ iiہے

وہ  جس نے ظلمت میں آس اُسکے کرم کی رکھی حسین وہ iiہے
وہ  جس  نے  تکریم حشر تک کو حرم کی رکھی حسین وہ iiہے


حسین     میرا     حسین     تیرا     حسین    سب    iiکا
حسین    حیدر    کا    مصطفیٰ    کا    حسین    رب    iiکا

***
جو  کربلا  کی  اندھیری  راتوں  میں  روشنی ہے حسین وہ iiہے
شہادتوں  کے  سفر  کا  حاصل  جو  زندگی  ہے حسین وہ iiہے

گلاب  میں  جو  لہو  کی  خوشبو  سے تازگی ہے حسین وہ iiہے
بزیرِ  خنجر  جو  ایک  پیاسے  کی  بندگی  ہے  حسین  وہ iiہے


حسین     میرا     حسین     تیرا     حسین    سب    iiکا
حسین    حیدر    کا    مصطفیٰ    کا    حسین    رب    iiکا

***
وہ  جس  نے لکھا ہے موت کا اپنی آپ عنواں حسین وہ iiہے
وہ نام جس کا سُنیں تو ظلمت کدے ہوں لرزاں حسین وہ ہے

قسم  خُدا  کی  خُدا  پہ  بھی جس جری کا احساں حسین وہ ہے
وہ  جس  کی  آمد پہ سب ملائک ہوئے غزلخواں حسین وہ iiہے


حسین     میرا     حسین     تیرا     حسین    سب    iiکا
حسین    حیدر    کا    مصطفیٰ    کا    حسین    رب    iiکا

٭٭٭