حسین میرا حسین تیرا حسین سب کا
 
حسین میرا حسین تیرا حسین سب کا
(۲)
 صفدر ہمٰدانی 
حسین  مہرِ  مبیں ہے نُطقِ مبیں ہے کانِ یقیں ہے بے iiشک
وہ  کشتۂ  حق  وہ  ناصرِ  حق وہ شام گُستر امیں ہے بے iiشک

وہ صبر پیما ں وہ ماہِ ایماں خُدا کے دل میں مکیں ہے بے شک
وہ  فاتحِ  ظلم و جورو نفرت نبی کی روشن جبیں ہے بے iiشک


حسین     میرا     حسین     تیرا     حسین    سب    iiکا
حسین    حیدر    کا    مصطفیٰ    کا    حسین    رب    iiکا

***
وہ  معنیِ  کُن،وہ  منشائے  رب  حسین  صدق  و صفا کا iiمحور
وہ  جانِ  زہرا  وہ  نفسِ  حیدر  وہ سر تا پا عکسِ روئے iiسرور

وہ   تاجدارِ   معارفِ   حق  وہ  بےکس  و  ناتواں  کا  iiیاور
وہ   ایک   یزداں  مزاج  بندہ  وہ  آرزوئے  ہر  اِک  پیمبر


حسین     میرا     حسین     تیرا     حسین    سب    iiکا
حسین    حیدر    کا    مصطفیٰ    کا    حسین    رب    iiکا

***
سوار   دوشِ   رسول   کا   وہ   صحیفہ   شانِ  بتول  کا  iiوہ
وہ  نازشِ  وقت  ،میرِ  ملت  ہے  منبع حق کے اصول کا iiوہ

حسین   سازِ   ازل   کا  نغمہ  قصیدہ  میرے  رسول  کا  iiوہ
وہ   نورِ   شمعِ   حریمِ   حیدر   شرف  دعائے  قبول  کا  iiوہ


حسین     میرا     حسین     تیرا     حسین    سب    iiکا
حسین    حیدر    کا    مصطفیٰ    کا    حسین    رب    iiکا

٭٭٭